来自荷兰的白色兔兔Miffy来到香港同大家见面！今次Miffy除了同屋企人过来香港同大家聚一聚，仲带埋一班动物朋友仔一齐来过复活节。即刻同大家直击Miffy登陆铜锣湾实况，介绍返8款得意精品，再介绍埋同Miffy合照嘅2大影相位！
今次Miffy来到香港会有pop-up store，入面会有可爱Miffy公仔、精品和小食。其中，入面有7款精品仲要係香港独家发售，香港爱Miffy的朋友们可以趁机会集齐精品啦！另外，亦有得买来自世界各地的Miffy精品，我就锺意Miffy一班动物朋友嘅公仔，你地又锺意边款呢？
小食类：
1. Miffy雪条！影相呃Like又好味！Miffy雪条总共有4款口味，芝士蛋糕、草莓乳酪、杨枝甘露和双重朱古力。记者试食了芝士蛋糕味，奶味够浓，芝士味都几香，重点係造型劲得意，可以同Miffy摆设影相呢！Miffy雪条即日新鲜製造，每日共限量发售100支，每次只限购买两支㗎咋！
Miffy蝴蝶酥由本地甜品店小甜谷主理，每日新鲜出炉，入口都几香脆，而且又有两款靓靓Miffy铁罐可以用来装嘢，够晒实用！
公仔类：
3. 笨笨的复活蛋造型Miffy！Miffy复活蛋造型毛公仔，都有点重量，因为蛋殻部分入面装左豆豆，唔係全只都係绵花。见住佢呆呆的坐住只黄色复活蛋，大朋友小朋友都想拥有佢啊！
Miffy迷你毛公仔套装，一盒三款，每只都有趣怪表情造型，得意又抵死！
文具类：
5. 带住Miffy绘画围裙做个艺文青Miffy绘画围裙有两款颜色，蓝色和橙色，锺意画画的朋友，就可以带住Miffy围裙画画，不过，个人认为用作厨房围裙烹调美食都不错喔！
就算唔用来画画，呢本Miffy毛茸茸笔记本都可以用来记下笔记，或者自己画格仔做Schedule Book都几好！而且，封面有层毛毛，摸上手都几滑。唯一不好的是白色就有机会易变黑了。
家品类：
7. 露营都啱用！日系Miffy木製杯Miffy木製杯，有两款Miffy & Friends精緻木製杯，榉木杯身刻上可爱的Miffy样子，而且木製杯有日系简约感觉，亦都几轻身，用来喝茶也不错的！3月24日开始接受预订，4月1日起现货发售。
Miffy的一班动物朋友，马骝仔、大象、长颈鹿和乌龟真係好得意！买完又可以同埋大型摆设影相，正！
The Miffy Shop
地址：香港铜锣湾轩尼诗道500号希慎广场地面啓超道入口
营业时间：星期日至四：11:00-21:00；星期五、六及公众假期前夕：11:00-22:00
难得Miffy由荷兰来到香港与大家见面，当然要抱抱Miffy，影相影够本！想寻找Miffy蹤影，主要可以去2个地方，分别有位于希慎广场一楼中庭和利舞台地面露天广场。即刻介绍有边啲特别影相位。
全港最齐Miffy & Friends摆设！利舞台地面露天广场利舞台地面有齐晒8位Miffy & Friends，包括Miffy、Poppy、Grunty、Boris、Barbara、Melanie、Dan及Snuffy，仲有大约4米高的Miffy与大象摆设，大象超可爱的！係全港最齐Miffy & Friends装置，可以一次过认识埋Miffy的朋友仔啦！
Miffy & Friends
地址︰铜锣湾波斯富街99号利舞台地面露天广场
3D投影艺术画作！Miffy绘本屋Miffy今次带埋屋企人来港，有Father bunny、Mother bunny、Boris、Melanie及Snuffy，大家可以去抱抱Miffy家族啦！不过，呢度最特别係有个3D投影幕墙，大家可以係绘本封面和封底，帮Miffy整个新造型，就可以投影係The Miffy House幕墙，几只Miffy着住你为佢设计的造型走来走去，几过瘾！
The Miffy House 3D绘本屋详情：
至4月24日期间，顾客即日于Hysan Place、利舞台、礼顿中心或希慎道壹号I.T HYSAN ONE凭电子货币消费满港币$50，即可进入「The Miffy House」(最多2人同行)及获赠Miffy绘本封面乙份。每日数量有限，先到先得，换完即止。
The Miffy House
地址：香港铜锣湾轩尼诗道500号希慎广场一楼中庭
营业时间：星期一至日：12:00-22:00